Nuntii latini 11.10.2013

Calamitas ante Lampedusam

JULKAISTU 11.10.2013 KLO 16.00

Septimana proxima ante oram Lampedusae gravissima calamitas maritima facta est, cum navis, qua quingenti fere homines in Europam immigraturi vehebantur, omnino submersa est. E nave fracta, quae in profunditate quadraginta fere metrorum iacet, iam amplius ducenta corpora exanimata reperta sunt, sed metuendum est, ne numerus mortuorum etiam maior fiat. Vectores maximam partem ex Erythraea et Somalia oriundi erant.